Մեկնարկեց «Yerevan Open» շախմատի միջազգային մրցաշարը

Այսօր՝ դեկտեմբերի 5-ին, Տիգրան Պետրոսյանի անվան շախմատի տուն-մարզադպրոցում մեկնարկեց Երևանի շախմատի ֆեդերացիայի կողմից կազմակերպված «Yerevan Open» շախմատի միջազգային 6-րդ մրցաշարը:

Մրցաշարն անց է կացվում Երևանի քաղաքապետարանի բարձր հովանու ներքո: Գլխավոր հովանավորն է Ֆասթ Բանկը:

Մրցաշարը անցկացվում է երկու վարկանիշային խմբերով՝ Ա և Բ: 

Ա մրցաշարին մասնակցում են 85 շախմատիստներ Հայաստանից, Իրանից, Ռուսաստանից, Բելառուսից, Հնդկաստանից, Ղազախստանից և Շվեդիայից, այդ թվում՝ 12 գրոսմայստերներ և 5 միջազգային վարպետներ:

Բ մրցաշարին մասնակցում են 193 շախմատիստներ Հայաստանից, Ռուսաստանից, Իրանից և Իսպանիայից:

Խաղերին կարող եք հետևել այստեղ:

Բոլորին մաղթում ենք հաջողություն և հետաքրքիր պայքար։