Հայաստանի արագ շախմատի առաջնության չեմպիոն դարձավ Արամ Հակոբյանը

Այսօր Հայաստանի շախմատի ակադեմիայում տեղի ունեցավ Հայաստանի շախմատի ֆեդերացիայի կողմից կազմակերպված Աշոտ Անաստասյանի հիշատակին նվիրված Հայաստանի արագ շախմատի առաջնությունը:

Չեմպիոն դարձավ գրոսմայստեր Արամ Հակոբյանը, ով 7 հնարավորից վաստակեց 6 միավոր:

Գրոսմայստերներ Շանթ Սարգսյանը, Զավեն Անդրիասյանը, Հայկ Մարտիրոսյանը և միջազգային վարպետ Ռոբերտ Փիլիպոսյանը վաստակեցին 5.5 միավոր:

Լրացուցիչ ցուցանիշներով փոխչեմպիոն դարձավ Շանթ Սարգսյանը, իսկ լավագույն եռյակը եզրափակեց Զավեն Անդրիասյանը:

Ռոբերտ Փիլիպոսյանը զբաղեցրեց 4-րդ հորիզոնականը, իսկ Հայկ Մարտիրոսյանը՝ 5-րդ:

Վետերանների մեջ լավագույն արդյունքը ցույց տվեց միջազգային վարպետ Աշոտ Նադանյանը:

Կանանց մեջ լավագույն արդյունքը ցույց տվեց կանանց միջազգային վարպետ Սուսաննա Գաբոյանը:

Մինչև 16 տարեկան պատանիների մեջ լավագույն արդյունքը ցույց տվեց վարպետության թեկնածու Վոլոդյա Թորոսյանը։

Հատուկ մրցանակներ է սահմանել նաև «Chessify» ընկերությունը (1-3 տեղեր, կանանց լավագույն արդյունք, մինչև 18 տարեկան պատանիների լավագույն արդյունք և վետերանների լավագույն արդյունք):

Մինչև 18 տարեկան պատանիների մեջ լավագույն արդյունքը ցույց տվեց Ռոբերտ Փիլիպոսյանը:

Եզրափակիչ աղյուսակին կարող եք ծանոթանալ այստեղ:

Շնորհավորում ենք բոլոր մրցանակակիրներին՝ մաղթելով նոր հաջողություններ: