Կյանքից հեռացել է Բորիս Սպասսկին

88 տարեկանում կյանքից հեռացել է շախմատի աշխարհի 10-րդ չեմպիոն Բորիս Սպասսկին:

1966 թվականին Սպասսկին դարձավ աշխարհի չեմպիոնի կոչման հավակնորդ և իրավունք ստացավ մրցելու աշխարհի գործող չեմպիոն Տիգրան Պետրոսյանի հետ: Հայ գրոսմայստերը 12.5-11.5 հաշվով հաղթանակ տարավ հավակնորդի նկատմամբ և պահպանեց աշխարհի չեմպիոնի տիտղոսը:

3 տարի անց Սպասսկին կրկին հաղթեց հավակնորդների մրցաշարում և 1969 թվականին անցկացվեց Պետրոսյան - Սպասսկի երկրորդ մրցամարտը, որում Սպասսկին հաղթանակ տարավ 12.5-10.5 հաշվով և հռչակվեց աշխարհի 10-րդ չեմպիոն:

Չեմպիոնի տիտղոսը Սպասսկին պահպանեց 3 տարի: 1972 թվականին նա պարտվեց Ռոբերտ Ֆիշերին: