Արսեն Դավթյանը դարձավ շախմատի Եվրոպայի մինչև 18 տարեկանների չեմպիոն

Սեպտեմբերի 5-ից 14-ը Ռումինիայի Մամայա քաղաքում տեղի ունեցավ 2023 թվականի շախմատի Եվրոպայի պատանիների առաջնությունը։

Մինչև 18 տարեկան պատանիների խմբում ոսկե մեդալ է նվաճել 17-ամյա Արսեն Դավթյանը:

Արսենը առաջին խաղափուլում պարտվելուց հետո 8 անընդմեջ հաղթանակ տարավ՝ 9 հնարավորից վաստակելով 8 միավոր:

Առաջնության շրջանակներում Արսենը լրացրեց նաև միջազգային վարպետի նորմա: Սա Արսենի երրորդ նորման է:

Շնորհավորում ենք Արսենին ոսկե մեդալի կապակցությամբ՝ մաղթելով նորանոր հաղթանակներ: