Ավարտվեց «Ռաֆայել Վահանյանի գավաթ» մրցաշարը
Ավարտվեց Երևանի քաղաքապետարանի և Երևանի շախմատի ֆեդերացիայի կողմից կազմակերպված «Ռաֆայել Վահանյանի գավաթ» շախմատի շրջանային մրցաշարը:
Մրցաշարին մասնակցեցին մինչև 18 տարեկան 10 պատանի շախմատիստներ, ովքեր երեք օր մրցեցին արագ և կայծակնային շախմատի ձևաչափերում:
Լարված և հետաքրքիր պայքարի արդյունքում մրցաշարի հաղթող դարձավ ՖԻԴԵ-ի վարպետ Վահե Սուքիասյանը:
ՖԻԴԵ-ի վարպետ Ռուդոլֆ Փաշիկյանը և միջազգային վարպետ Ռոբերտ Փիլիպոսյանը կիսեցին 2-3-րդ հորիզոնականները: Լրացուցիչ ցուցանիշներով 2-րդ հորիզոնականը զբաղեցրեց Ռուդոլֆ Փաշիկյանը։
Պարգևատրվեց նաև Անահիտ Մկրտչյանը, ով աղջիկների ընտրական մրցաշարում զբաղեցնելով առաջին հորիզոնականը՝ ստացավ այս մրցաշարին մասնակցելու իրավունք:
Շնորհավորում ենք բոլոր մրցանակակիրներին և մաղթում նոր հաջողություններ:
Այլ նորություններ