Կյանքից հեռացել է Յուրիկ Ավետիսյանը

Ցավով տեղեկացնում ենք, որ 74 տարեկան հասակում կյանքից հեռացել է Հայաստանի շախմատի կույրերի առաջնությունների բազմակի չեմպիոն, Հայաստանի շախմատի ֆեդերացիայի «Սահմանափակ կարողություններ ունեցող անձանց» հանձնաժողովի անդամ Յուրիկ Ավետիսյանը:

Հոգեհանգիստը տեղի կունենա հունիսի 15-ին, ժամը 17:00-ից, Սիլիկյան 18 հասցեում գտնվող «ԼյուԱր» սգո սրահում (Շահումյան գերեզմանոցի հարևանությամբ):

Հուղարկավորությունը՝ նույն վայրից, հունիսի 16-ին, ժամը 13:00-ին։

Հայաստանի շախմատի ֆեդերացիայի ողջ անձնակազմը ցավակցում է ընտանիքի անդամներին, հարազատներին և գործընկերներին։