ՖԻԴԵ-ի կանանց աշխարհի գավաթ 2025

Գրոսմայստեր Էլինա Դանիելյանը և միջազգային վարպետ Լիլիթ Մկրտչյանը կմասնակցեն 2025 թվականի ՖԻԴԵ-ի կանանց աշխարհի գավաթին, որը տեղի կունենա հուլիսի 6-ից 28-ը Վրաստանի Բաթումի քաղաքում:

Առաջին խաղափուլում Էլինան կխաղա Տաջիկստանը ներկայացնող կանանց ՖԻԴԵ-ի վարպետ Նադեժդա Անտոնովայի (վարկանիշ՝ 2030) դեմ:

Լիլիթը կխաղա Ալժիրը ներկայացնող կանանց միջազգային վարպետ Լինա Նասսրի (վարկանիշ՝ 2054) դեմ:

Մրցաշարը կանցկացվի նոկաուտ ձևաչափով՝ 7 խաղափուլով: Յուրաքանչյուր խաղափուլում մասնակիցները խաղում են երկու դասական պարտիա: Եթե հաշիվը լինի 1:1, հաղթողը կորոշվի արագ և կայծակնային շախմատի թայ-բրեյքում:

Առաջին խաղափուլի առաջին պարտիան կմեկնարկի հուլիսի 6-ին՝ ժամը 15:00-ին:

Խաղերին կարող եք հետևել այստեղ:

Հաջողություն ենք մաղթում մեր շախմատիստուհիներին: