Կանանց աշխարհի գավաթի հաղթող դարձավ Դիվյա Դեշմուխը

2025 թվականի ՖԻԴԵ-ի կանանց աշխարհի գավաթի հաղթող դարձավ Հնդկաստանը ներկայացնող 19-ամյա Դիվյա Դեշմուխը:

Արծաթե մեդալ նվաճեց Հնդկաստանի մյուս ներկայացուցիչ Համպի Կոներուն:

Լավագույն եռյակը եզրափակեց Չինաստանը ներկայացնող Թան Չժունյին:

Այս երեք շախմատիստուհիները իրավունք ստացան մասնակցելու շախմատի կանանց հավակնորդների մրցաշարին, որը տեղի կունենա 2026 թվականի ապրիլին։

Փակման արարողության ժամանակ գլխավոր մրցավար Մահդի Աբդուլրահիմը հանդես եկավ երախտագիտության կարճ ելույթով, այնուհետև բեմ հրավիրեց պատվավոր հյուրերին՝ հաղթողներին պարգևատրելու համար.
Արկադի Դվորկովիչ՝ ՖԻԴԵ-ի նախագահ
Ակակի Իաշվիլի՝ Վրաստանի շախմատի ֆեդերացիայի նախագահ
Լուկաշ Տուրլեյ՝ ՖԻԴԵ-ի գլխավոր քարտուղար
Սմբատ Լպուտյան՝ Հայաստանի շախմատի ֆեդերացիայի փոխնախագահ, բողոքարկման հանձնաժողովի անդամ
Զուրաբ Ազմայփարաշվիլի՝ Եվրոպայի շախմատի միության նախագահ