Հայ շախմատիստները մրցանակային տեղեր են զբաղեցրել աշխարհի մինչև 20 տարեկան պատանիների առաջնությունում

Մամիկոն Ղարիբյանը և Մարիամ Մկրտչյանը մրցանակային տեղեր են զբաղեցրել 2023 թվականի շախմատի աշխարհի մինչև 20 տարեկան պատանիների առաջնությունում:

Պատանիների մրցաշարում Մամիկոնը 11 հնարավորից վաստակեց 8.5 միավոր և կիսեց 1-4-րդ հորիզոնականները: Ցավոք, լրացուցիչ ցուցանիշներով Մամիկոնը զբաղեցրեց 4-րդ հորիզոնականը:

Աղջիկների մրցաշարում Մարիամը վաստակեց 8 միավոր և կիսեց 4-6-րդ հորիզոնականները: Լրացուցիչ ցուցանիշներով Մարիամը զբաղեցրեց 4-րդ հորիզոնականը:

Շնորհավորում ենք մեր շախմատիստներին՝ մաղթելով նորանոր հաջողություններ: