Աշխարհի պատանիների և աղջիկների առաջնությունը մոտենում է եզրագծին

Շախմատի աշխարհի 14-18 տարեկան պատանիների և աղջիկների առաջնության ավարտին մնացել է երեք խաղափուլ:

8 խաղափուլերից հետո մինչև 14 տարեկան պատանիների խմբում Մանվել Առաքելյանը ունի 6 միավոր և գտնվում է 5-րդ հորիզոնականում: Նույն տարիքային խմբում Տիգրան Համբարձումյանը ունի 5.5 միավոր, իսկ Տիգրան Սողոմոնյանը՝ 4.5 միավոր:

Մինչև 18 տարեկան պատանիների խմբում Ռուդոլֆ Փաշիկյանը ունի 5.5 միավոր և կիսում է 7-15-րդ հորիզոնականները։ Նույն տարիքային խմբում Վահե Սուքիասյանը և Ռոբերտ Փիլիպոսյանը ունեն 5 միավոր:

Մինչև 16 տարեկան պատանիների խմբում Վաչե Հովակիմյանը ունի 5.5 միավոր:

Մինչև 18 տարեկան աղջիկների խմբում Նվարդ Հայրապետյանը ունի 5 միավոր:

Մինչև 16 տարեկան աղջիկների խմբում Անահիտ Մկրտչյանը ունի 5 միավոր, իսկ Անի Ավետիսյանը՝ 4.5 միավոր:

Մինչև 14 տարեկան աղջիկների խմբում Գաբրիելա Հարությունյանը ունի 4 միավոր:

9-րդ խաղափուլը կմեկնարկի հոկտեմբերի 13-ին՝ Հայաստանի ժամանակով 17:00-ին:

Մաղթում ենք հաջողություն մեր շախմատիստներին: