Ավարտվեց ՀՀ դպրոցականների շախմատի 19-րդ օլիմպիադայի եզրափակիչ փուլը

Դիլիջանի միջազգային դպրոցում ավարտվեց Հայաստանի շախմատի ակադեմիայի և ՀՀ կրթության, գիտության, մշակույթի և սպորտի նախարարություն կողմից կազմակերպված ՀՀ դպրոցականների շախմատի 19-րդ օլիմպիադայի եզրափակիչ փուլը:

Մրցանակային տեղեր են զբաղեցրել հետևյալ թիմերը.
1-ին հորիզոնական՝ Երևանի թիվ 77 դպրոց
2-րդ հորիզոնական՝ Վանաձորի թիվ 4 դպրոց
3-րդ հորիզոնական՝ Աբովյանի թիվ 10 դպրոց

Խաղատախտակների վրա լավագույն արդյունք են ցույց տվել հետևյալ շախմատիստները.
1-ին խաղատախտակ՝ Ալբերտ Աղազարյան (Երևանի թիվ 161 դպրոց)
2-րդ խաղատախտակ՝ Աշոտ Ավետիսյան (Երևանի թիվ 77 դպրոց)
3-րդ խաղատախտակ՝ Գագիկ Անանյան (Վանաձորի թիվ 4 դպրոց)
4-րդ խաղատախտակ՝ Վիկտորյա Շառաջյան (Աբովյանի թիվ 10 դպրոց)

Մրցանակները հանձնեցին UWC Dilijan-ի տնօրեն Ադամ Արմանսկին, ՖԻԴԵ-ի սոցիալական հանձնաժողովի նախագահ և Շվեյցարիայի շախմատի ֆեդերացիայի նախագահ Անդրե Վյոգտլինը, ինչպես նաև Հայաստանի շախմատի ակադեմիայի հիմնադիր-տնօրեն Սմբատ Լպուտյանը։ 

Օլիմպիադայի գլխավոր հովանավորն է Հայկական բարեգործական ընդհանուր միությունը:

Շնորհավորում ենք բոլոր մրցանակակիրներին և մաղթում նոր հաջողություններ: