Հայաստանի կանանց հավաքականը լավագույն հնգյակում է

Հայաստանի շախմատի կանանց հավաքականը լավագույն հնգյակում է 2025 թվականի Եվրոպայի թիմային առաջնությունում:

Առաջնությունը անցկացվել է հոկտեմբերի 5-ից 14-ը Վրաստանի Բաթումի քաղաքում:

Մեր կանանց հավաքականը կիսել է 4-5-րդ հորիզոնականները՝ լրացուցիչ ցուցանիշներով զբաղեցնելով 5-րդ հորիզոնականը: Ընդհանուր մասնակցել են 36 թիմեր:

Կանանց հավաքականի կազմում հանդես են եկել Լիլիթ Մկրտչյանը, Մարիամ Մկրտչյանը, Էլինա Դանիելյանը, Մարիա Գևորգյանը և Սուսաննա Գաբոյանը:

Մեր տղամարդկանց հավաքականը զբաղեցրել է 19-րդ հորիզոնականը: Ընդհանուր մասնակցել են 40 թիմեր:

Հայաստանի տղամարդկանց հավաքականի կազմում հանդես են եկել Շանթ Սարգսյանը, Ռոբերտ Հովհաննիսյանը, Հայկ Մարտիրոսյանը, Գաբրիել Սարգսյանը և Արամ Հակոբյանը:

Կանանց առաջնությունում հաղթող դարձավ Լեհաստանի հավաքականը, իսկ տղամարդկանց առաջնությունում՝ Ուկրաինայի հավաքականը։

Կանանց առաջնության եզրափակիչ աղյուսակ՝ https://shorturl.at/RFHOC

Տղամարդկանց առաջնության եզրափակիչ աղյուսակ՝ https://shorturl.at/toCeT