Կարեն Ասրյանի հուշամրցաշար

2025 թվականի նոյեմբերի 27-ից 30-ը Տիգրան Պետրոսյանի անվան շախմատի տուն-մարզադպրոցում (ք. Երևան, Խանջյան 50) տեղի կունենա Հայաստանի շախմատի ֆեդերացիայի կողմից կազմակերպված Կարեն Ասրյանի հիշատակին նվիրված շրջանային մրցաշարը:

Մրցաշարին մասնակցում են հետևյալ գրոսմայստերները.
Նիհալ Սարին (Հնդկաստան)
Պարհամ Մագսուդլու (Իրան)
Բոգդան-Դանիել Դյակ (Ռումինիա)
Շանթ Սարգսյան (Հայաստան)
Գաբրիել Սարգսյան (Հայաստան)
Հայկ Մարտիրոսյան (Հայաստան)
Արամ Հակոբյան (Հայաստան)
Ռոբերտ Հովհաննիսյան (Հայաստան)
Շամսիդդին Վոհիդով (Ուզբեկստան) 
Հովհաննես Գաբուզյան (Հայաստան) 

Մրցաշարի բացման արարողությունը տեղի կունենա նոյեմբերի 27-ին՝ ժամը 14:00-ին: Առաջին խաղափուլը կմեկնարկի նոյեմբերի 27-ին՝ ժամը 15:00-ին:

Հուշամրցաշարը կներառի արագ և կայծակնային շախմատի մրցաշարեր:

Արագ և կայծակնային շախմատի մրցաշարերի արդյունքները կհաշվարկվեն միասին՝ հետևյալ կարգով․
Արագ շախմատում հաղթանակի համար կտրվի 2 միավոր, ոչ-ոքիի դեպքում՝ 1 միավոր, պարտության դեպքում՝ 0 միավոր։
Կայծակնային շախմատում հաղթանակի համար կտրվի 1 միավոր, ոչ-ոքիի դեպքում՝ կես միավոր, պարտության դեպքում՝ 0 միավոր: