Մեկնարկել է Կարեն Ասրյանի հուշամրցաշարը

Նոյեմբերի 27-ից 30-ը Տիգրան Պետրոսյանի անվան շախմատի տուն-մարզադպրոցում անցկացվում է Հայաստանի շախմատի ֆեդերացիայի կողմից կազմակերպված Կարեն Ասրյանի հիշատակին նվիրված շրջանային մրցաշարը:

Հուշամրցաշարը ներառում է արագ և կայծակնային շախմատի մրցաշարեր:

Արագ և կայծակնային շախմատի մրցաշարերի արդյունքները կհաշվարկվեն միասին՝ հետևյալ կարգով․
Արագ շախմատում հաղթանակի համար կտրվի 2 միավոր, ոչ-ոքիի դեպքում՝ 1 միավոր
Կայծակնային շախմատում հաղթանակի համար կտրվի 1 միավոր, ոչ-ոքիի դեպքում՝ կես միավոր

Արագ շախմատի մրցաշարից հետո արդյունքները հետևյալն են.
Հայկ Մարտիրոսյան՝ 15 միավոր
Պարհամ Մագսուդլու՝ 12 միավոր
Հովհաննես Գաբուզյան՝ 11 միավոր
Գաբրիել Սարգսյան՝ 9 միավոր
Նիհալ Սարին՝ 9 միավոր
Շամսիդդին Վոհիդով՝ 8 միավոր
Շանթ Սարգսյան՝ 8 միավոր
Բոգդան-Դանիել Դյակ՝ 8 միավոր
Արամ Հակոբյան՝ 6 միավոր
Ռոբերտ Հովհաննիսյան՝ 4 միավոր

Կայծակնային մրցաշարը կմեկնարկի նոյեմբերի 29-ին՝ ժամը 15:00-ին:

Ֆոտոշարք

Լուսանկարների հեղինակ՝ Կարեն Բաղինյան