Սերժ Սարգսյանը այցելել է Հայաստանի շախմատի ակադեմիա

Հունվարի 14-ին Հայաստանի Հանրապետության երրորդ նախագահ, Հայաստանի շախմատի ֆեդերացիայի նախագահ Սերժ Սարգսյանը այցելեց Հայաստանի շախմատի ակադեմիա՝ հետևելու Անդրանիկ Մարգարյանի 16-րդ հուշամրցաշարի ընթացքին։

Ներկա էին նաև Հայաստանի շախմատի ակադեմիայի հիմնադիր-նախագահ Սմբատ Լպուտյանը, Հայաստանի շախմատի ֆեդերացիայի գործադիր տնօրեն Արմեն Գևորգյանը և ֆեդերացիայի խորհրդի անդամներ Տարոն Մարգարյանը և Աղասի Ինանցը։ 

Այցի ընթացքում նրանք սկզբում հետևեցին շվեյցարական մրցաշարի խաղերին, որոնց այս տարի մասնակցում են 630 պատանի շախմատիստներ՝ Երևանից և մարզերից, ապա՝ շրջանային մրցաշարին, որտեղ Հայաստանի, Ռուսաստանի, Վրաստանի, Հնդկաստանի և Մոլդովայի շախմատիստները պայքարում են միջազգային վարպետի և գրոսմայստերի նորմաների համար։