Հայաստանի արագ շախմատի առաջնություն՝ նվիրված Աշոտ Անաստասյանի հիշատակին

Այսօր տեղի ունեցավ Հայաստանի շախմատի ֆեդերացիայի կողմից կազմակերպված 2026 թվականի Հայաստանի արագ շախմատի առաջնությունը՝ նվիրված Աշոտ Անաստասյանի հիշատակին:

Չեմպիոն դարձավ գրոսմայստեր Կարեն Գրիգորյանը, ով 7 հնարավորից վաստակեց 6 միավոր:

Գրոսմայստերներ Զավեն Անդրիասյանը, Մանուէլ Պետրոսյանը և Տիգրան Հարությունյանը վաստակեցին 5.5 միավոր:

Լրացուցիչ ցուցանիշներով փոխչեմպիոն դարձավ Զավեն Անդրիասյանը, իսկ լավագույն եռյակը եզրափակեց Մանուէլ Պետրոսյանը:

Տիգրան Հարությունյանը առաջնությունը ավարտեց 4-րդ հորիզոնականում, իսկ միջազգային վարպետ Արսեն Դավթյանը 5 միավորով զբաղեցրեց 5-րդ հորիզոնականը։

Վետերանների պայքարում լավագույն արդյունքը ցույց տվեց միջազգային վարպետ Աշոտ Նադանյանը:

Կանանց պայքարում լավագույն արդյունքը ցույց տվեց կանանց գրոսմայստեր Մարիամ Մկրտչյանը:

Մինչև 16 տարեկան պատանիների պայքարում լավագույն արդյունքը ցույց տվեց վարպետության թեկնածու Վոլոդյա Թորոսյանը։

Շնորհավորում ենք բոլոր մրցանակակիրներին՝ մաղթելով նոր հաջողություններ: