Տեղի ունեցավ Հայաստանի վետերանների արագ շախմատի առաջնությունը

Նիյեմբերի 4-ին տեղի ունեցավ 2023 թվականի Հայաստանի վետերանների արագ շախմատի առաջնությունը:

Առաջնությունն անցկացվել է 2 տարիքային խմբերով՝ 50-ից բարձր և 65-ից բարձր:

50-ից բարձր տարիքային խմբում չեմպիոն դարձավ Սարգիս Մելքոնյանը, ով 7 հնարավորից վաստակեց 6 միավոր:

Երկրորդ հորիզոնականը զբաղեցրեց Վլադիմիր Պողոսյանը, ով վաստակեց 5 միավոր:

Լավագույն եռյակը եզրափակեց Ֆելիքս Բեկնազարյանը, ով նույնպես վաստակեց 5 միավոր։

65-ից բարձր տարիքային խմբում չեմպիոն դարձավ Ռոման Ակոպովը, ով 7 հնարավորից վաստակեց 6.5 միավոր:

Երկրորդ հորիզոնականը զբաղեցրեց Անդրանիկ Աբրահամյանը, ով վաստակեց 6 միավոր:

Լավագույն եռյակը եզրափակեց Գարիկ Խաչատրյանը, ով վաստակեց 5.5 միավոր։ Հայկ Դոլմազյանը նույնպես վաստակեց 5.5 միավոր, սակայն լրացուցիչ ցուցանիշներով զբաղեցրեց 4-րդ տեղը:

Շնորհավորում ենք հաղթողներին՝ մաղթելով նորանոր հաջողություններ: