Սեպտեմբերի 30-ից հոկտեմբերի 6-ը Հայաստանի շախմատի ակադեմիան կազմակերպում է «Ծաղկաձոր Օփեն» շախմատի միջազգային մրցաշարը, որը տեղի կունենա Ծաղկաձորի «Eighty Eight Hotel and Spa» հյուրանոցում (ՀՀ, Կոտայքի մարզ, ք. Ծաղկաձոր, Տանձաղբյուրի 34/1):

«Ծաղկաձոր Օփեն» շախմատի միջազգային մրցաշարը կանցկացվի Ա և Բ խմբերով:

Ա խմբում մասնակցության իրավունք ունեն 2000 և բարձր միջազգային վարկանիշ ունեցող շախմատիստները:

Բ խմբում մասնակցության իրավունք ունեն 2000-ից ցածր միջազգային վարկանիշ ունեցող շախմատիստները, ինչպես նաև սահմանափակ քանակով վարկանիշ չունեցող շախմատիստները:

Մրցաշարերը կանցկացվեն շվեյցարական մրցակարգով, 9 խաղափուլով՝ ՖԻԴԵ-ի շախմատի կանոնների համաձայն։

Ժամակարգ.
Ա խումբ՝ 90 րոպե առաջին 40 քայլի համար` այնուհետև 15 րոպե մինչև խաղի ավարտը՝ յուրաքանչյուր քայլի համար 30 վայրկյան հավելումով՝ սկսած առաջին քայլից:
Բ խումբ՝ ­90 րոպե ամբողջ խաղի համար` յուրաքանչյուր քայլի համար 30 վայրկյան հավելումով՝ սկսած առաջին քայլից:

Երկու խմբերի ընդհանուր մրցանակային ֆոնդը կազմում է 8 000 000 ՀՀ դրամ:

Կոնտակտային տվյալներ.
Հայաստանի շախմատի ակադեմիա
Հասցե՝  Շևչենկո 34, ք. Երևան, 0050, ՀՀ
Հեռ.՝  +374 10 44 84 73, +374 43 44 84 73, +374 91 19 25 14
Էլ. հասցե՝  tournaments@chessacademy.am