Եվրոպայի պատանիների և աղջիկների առաջնության ավարտին մնացել է մեկ խաղափուլ

Հունաստանի Կրետե կղզում ընթացող 2026 թվականի շախմատի Եվրոպայի 8-18 տարեկան պատանիների և աղջիկների առաջնության ավարտին մնացել է մեկ խաղափուլ։

Վերջին խաղափուլից առաջ մինչև 18 տարեկան պատանիների խմբում միանձնյա առաջատարն է միջազգային վարպետ Վահե Սուքիասյանը, ով 8 հնարավորից ունի 7 միավոր։ Նախավերջին խաղափուլում Վահեն առավելության է հասել ադրբեջանցի միջազգային վարպետ Թունար Դավուդովի նկատմամբ։

Մինչև 16 տարեկան աղջիկների խմբում կանանց ՖԻԴԵ-ի վարպետ Սոնա Կրկյաշարյանը ունի 6.5 միավոր և կիսում է 2-3-րդ հորիզոնականները։

Մինչև 12 տարեկան աղջիկների խմբում Նարե Իսախանյանը ունի 6.5 միավոր և կիսում է 2-5-րդ հորիզոնականները։

Մինչև 16 տարեկան պատանիների խմբում ՖԻԴԵ-ի վարպետ Մանվել Առաքելյանը ունի 6 միավոր և կիսում է 4-8-րդ հորիզոնականները։

Մինչև 14 տարեկան պատանիների խմբում ՖԻԴԵ-ի վարպետ Տիգրան Համբարձումյանը ունի 6 միավոր և կիսում է 5-11-րդ հորիզոնականները։

Մինչև 12 տարեկան պատանիների խմբում Հարություն Դերմենջյանը ունի 6 միավոր և կիսում է 5-10-րդ հորիզոնականները։

Մինչև 10 տարեկան պատանիների խմբում Սամվել Մովսիսյանը ունի 6 միավոր և կիսում է 5-10-րդ հորիզոնականները։

Վերջին՝ 9-րդ խաղափուլը կմեկնարկի նոյեմբերի 12-ին՝ Հայաստանի ժամանակով 16։00-ին։

Խաղերին կարող եք հետևել այստեղ։

Մաղթում ենք հաջողություն մեր շախմատիստներին: