Ամփոփում ենք հայ շախմատիստների հաջողությունները 2025 թվականի ընթացքում

Վահե Սուքիասյանը դարձավ շախմատի Եվրոպայի մինչև 18 տարեկան պատանիների չեմպիոն:

Տիգրան Համբարձումյանը դարձավ շախմատի Եվրոպայի մինչև 14 տարեկան պատանիների փոխչեմպիոն:

Սարգիս Սարգսյանը դարձավ Սահմանափակ կարողություններ ունեցող անձանց աշխարհի անհատական շախմատի առաջնության չեմպիոն: Այս հաջողության համար Սարգիսը ճանաչվեց Հայաստանի հաշմանդամություն ունեցող լավագույն մարզիկ։

Մհեր Սարգսյանը դարձավ Եվրոպայի մինչև 2000 վարկանիշ ունեցող շախմատիստների չեմպիոն:

Վաչե Հովակիմյանը դարձավ Եվրոպայի մինչև 16 տարեկան պատանիների արագ շախմատի չեմպիոն:

Արմեն Վարդանյանը դարձավ Եվրոպայի մինչև 10 տարեկան պատանիների կայծակնային շախմատի չեմպիոն:

Մանվել Առաքելյանը դարձավ Եվրոպայի մինչև 14 տարեկան պատանիների կայծակնային շախմատի փոխչեմպիոն:

Վալտեր Գյուրջինյանը դարձավ Եվրոպայի մինչև 16 տարեկան պատանիների կայծակնային շախմատի առաջնության բրոնզե մեդալակիր:

Մանվել Առաքելյանը դարձավ Եվրոպայի մինչև 14 տարեկան պատանիների արագ շախմատի առաջնության բրոնզե մեդալակիր:

Մանվել Վարդանյանը դարձավ Եվրոպայի մինչև 8 տարեկան պատանիների կայծակնային շախմատի առաջնության բրոնզե մեդալակիր:

Վահե Սուքիասյանը, Էրիկ Հակոբյանը, Բենիկ Ագասարովը, Էրիկ Գասպարյանը, Ալեքս Սահակյանը ստացան միջազգային վարպետի կոչում, իսկ Մարիամ Մկրտչյանը՝ կանանց գրոսմայստերի կոչում:

Հայաստանի շախմատի ֆեդերացիան սիրով շնորհավորում է բոլորին Ամանորի և Սուրբ Ծննդյան կապակցությամբ:

Մաղթում ենք, որ 2026 թվականը լինի հաջողությունների և նոր ձեռքբերումների տարի: