Հայ շախմատիստները հաջող հանդես են եկել Շվեդիայում անցկացված մրցաշարերում

2026 թվականի հոկտեմբերի 26-ից 31-ը Շվեդիայում անցկացվեց «Hotel Stockholm North by First Hotels Young Talent» շախմատի շրջանային մրցաշարերի շարքը։

Մրցաշարերում հաջող հանդես են եկել գրոսմայստեր Գևորգ Հարությունյանը, ՖԻԴԵ-ի վարպետ Սարգիս Մանուկյանը և վարպետության թեկնածու Համլետ Անտոնյանը։

Գևորգ Հարությունյանը «GM2610-3110 - I» մրցաշարում 9 հնարավորից վաստակեց 5.5 միավոր, զբաղեցրեց 2-րդ հորիզոնականը և իր վարկանիշը բարելավեց 17 կետով։

Սարգիս Մանուկյանը «GM2610-3110 - II» մրցաշարում լրացրեց միջազգային վարպետի իր վերջին՝ երրորդ նորման։ Սարգիսը 9 հնարավորից վաստակեց 6 միավոր, զբաղեցրեց 3-րդ հորիզոնականը և իր վարկանիշը բարելավեց 37 կետով՝ հաղթահարելով միջազգային վարպետի կոչում ստանալու համար անհրաժեշտ 2400 վարկանիշային շեմը։

Համլետ Անտոնյանը (մարզիչ՝ գրոսմայստեր Գևորգ Հարությունյան) «IM2610-3110» մրցաշարում 9 հնարավորից վաստակեց 6 միավոր, զբաղեցրեց 3-րդ հորիզոնականը և իր վարկանիշը բարելավեց 50 կետով՝ հաղթահարելով ՖԻԴԵ-ի վարպետի կոչում ստանալու համար անհրաժեշտ 2300 վարկանիշային շեմը։

Շնորհավորում ենք մեր շախմատիստներին՝ մաղթելով նոր հաջողություններ: