Ավարտվեց Արսեն Եղիազարյանի հուշամրցաշարը

Ավարտվեց Երևանի շախմատի ֆեդերացիայի կողմից կազմակերպված Արսեն Եղիազարյանի երկրորդ հուշամրցաշարը:

Լեհաստանը ներկայացնող միջազգային վարպետ Յակուբ Կոսակովսկին, չկրելով ոչ մի պարտություն, զբաղեցրել է առաջին հորիզոնականը՝ 9 հնարավորից վաստակելով 7 միավոր։

Իրանը ներկայացնող միջազգային գրոսմայստեր Արյան Գոլամին 6 միավորով զբաղեցրել է 2-րդ տեղը։

Վրաստանը ներկայացնող միջազգային գրոսմայստեր Գիգա Կուպարաձեն և Հայաստանը ներկայացնող ՖԻԴԵ-ի վարպետ Արսեն Դավթյանը վաստակել են 5,5 միավոր: Լրացուցիչ ցուցանիշներով Կուպարաձեն զբաղեցրել է 3-րդ հորիզոնականը, իսկ Դավթյանը՝ 4-րդը:

Մրցաշարի ընթացքում Յակուբ Կոսակովսկին լրացրեց միջազգային գրոսմայստերի նորմա, իսկ Արսեն Դավթյանը՝ միջազգային վարպետի նորմա։

Շնորհավորում ենք մրցանակակիրներին՝ մաղթելով նորանոր հաղթանակներ:

Եզրափակիչ աղյուսակին կարող եք ծանոթանալ հետևյալ հղումով՝ https://chess-results.com/tnr799698.aspx?lan=11&art=1&flag=30